नेपाल पुलिस क्लबले काभा लिग महिला भलिबल प्रतियोगितामा उपाधि रक्षा गर्ने अभियान सुरु गर्न लागेको छ। पुलिसले पहिलो खेल उज्वेकिस्तानको हुमो भिसीसँग बिहीबार खेल्नेछ।
काभा क्लब च्याम्पियनसिपको पहिलो संस्करण जितेको पुलिस यसपटक समूह ‘बी’ मा परेको छ। समूह चरणमा पुलिसले शुक्रबार इरानको फुलाड एमएससँग र अन्तिम खेल आयोजक माल्दिभ्सको हुर्रा सिसीसँग खेल्नेछ।
समूह ‘ए’ मा माल्दिभ्सको हुम्को, श्रीलंकाको हिर्दारामानी एससी र काजकिस्तानको तुरान एफसी रहेका छन्। सबै टोलीले एक–आपसमा खेलेपछि प्रत्येक समूहका शीर्ष दुई टोली सेमिफाइनलमा पुग्नेछन्।
उपाधि रक्षा गर्ने लक्ष्यसहित पुलिसले टोलीलाई बलियो बनाएको छ। यसका लागि टिप टप न्यु डायमण्ड युथ स्पोर्ट्स क्लबकी सलिना श्रेष्ठ र सुमित्रा रेग्मी तथा एभरेष्ट क्लबकी मिना सुनारलाई अनुबन्ध गरेको छ।
गत वर्ष पुलिसले एपिएफ क्लबकी सरस्वती चौधरी र निरुता ठगुन्नालाई पनि टोलीमा समेटेको थियो।
0 Post a Comment:
Post a Comment