पोखरा (खेल खबर) — नेपालमा पहिलो पटक आयोजना हुन लागेको नेपाल भलिबल लिग (एनभिएल) का लागि ६ जना मार्की खेलाडी चयन गरिएका छन्।
अन्नपूर्ण स्पाइकर किंग्सबाट हिमाल सुनारी, कर्णाली शिवराजबाट पहल गहतराज र काठमाडौं रेड्सबाट सुनिल बोहरा मार्की खेलाडीका रूपमा रहेका छन्।
त्यस्तै, खप्तड फाल्कन्सबाट धिरोज काजी बस्नेत, मधेश वारियर्सबाट रविन नगरकोटी र सगरमाथा स्म्यासर्सबाट हरि हजुर थापा पनि मार्की खेलाडीमा छनोट भएका छन्। खप्तड फाल्कन्सका धिरोज बाहेक अन्य पाँच जना मार्की खेलाडी राष्ट्रिय टोलीका सदस्य हुन् भने धिरोज यू–१९ राष्ट्रिय भलिबल टोलीका पूर्व कप्तान हुन्।
नेपाल भलिबल संघको संरक्षकत्वमा केडिया ग्रुपले आयोजना गर्न लागेको एनभिएलमा ६ फ्रेन्चाइज टिमको सहभागिता रहनेछ। लिग भदौ महिनामा आयोजना हुने तयारी गरिएको छ।
0 Post a Comment:
Post a Comment